Xususan, Qo‘qon shahar hokimi Marufjon Usmonovning tashabbusiga asosan endilikda O‘rda maydoni tasviriy san’at ustalarining ijod makoniga aylanadi. Bu yerda Qo‘qon art-rezidensiyasi rassom va musavvirlari aholiga rasm va portret chizish xizmatlari ko‘rsatish bilan bir qatorda master-klasslar va ochiq havodagi to‘garaklar tashkil etadi. Marufjon Usmonov Toshkentdagi Brodvey uslubida xizmat ko‘rsatayotgan ijodkorlar bilan muloqotda bo‘lib, mutasaddilarga rassomlarga barcha shart-sharoitlar yaratish va ushbu tajribani doimiy ravishda joriy etish yuzasidan ko‘rsatmalar berdi.