Farg‘ona tumani Ichki ishlar bo‘limida “Profilaktika kuni“ doirasida navbatdagi tonggi saflanish tadbiri tashkil etildi. Tadbirda Ichki ishlar bo‘limi boshlig‘i Jahongir Xasanov, tumandagi mahalla raislari, hokim yordamchilari, xotin-qizlar faollari, yoshlar etakchilari, profilaktika inspektorlari, patronaj hamshiralar hamda boshqa mas‘ul tashkilot rahbarlari ishtirok etdilar. Tongi saflanish davomida jinoyatchilik va huquqbuzarlikni oldini olish, mahallalarda tartib-intizomni mustahkamlash, fuqarolarning huquqiy ongi va madaniyatini oshirishga qaratilgan profilaktik chora-tadbirlar muhokama qilindi hamda kun davomida amalga oshirilishi lozim bo‘lgan vazifalar yuzasidan aniq ko‘rsatmalar berildi. Shuningdek, hududlarda ijtimoiy muhitni barqarorlashtirish, yoshlar o‘rtasida jinoyatga qarshi immunitetni shakllantirish, xotin-qizlar bilan alohida ishlash hamda og‘ir ijtimoiy holatdagi oilalar ustidan doimiy monitoring olib borish zarurligi ta‘kidlandi.